Երևանում «Ես եմ քո հիշողությունը» խորագրով ցուցահանդեսը ցույց է տալիս սիրիացի ժողովրդին պատուհասած աղետը

Ժամանակակից արվեստի թանգարանում բացվել է Հայոց ցեղասպանության 100-րդ տարելիցին նվիրված «Ես եմ քո հիշողությունը» խորագրով ցուցահանդեսը:

Ցուցահանդեսին ներկայացված են Սիրիայի պատմական վայրերը պատկերող լուսանկարները մինչ պատերազմը և դրանից հետո, ինչպես նաև սփյուռքահայ նկարիչների ստեղծագործությունները:

«Արմենպրես»-ի փոխանցմամբ` «ՀԱԼԷՊ» հայրենակցական բարեսիրական հասարակական կազմակերպության, «Diaspo’arts»-ի և «Սիրիական համայնքը Երևանում» հասարակական կազմակերպության համատեղ նախաձեռնությունը կամրջում է 1915 թվականի և Հալեպ քաղաքի ներկա պատերազմական վիճակի պատճառով կրկին գաղթի ճանապարհը բռնած հայորդինների կյանքը: Ինչպես նաև ներկայացնում է սիրիացի ժողովրդին պատուհասած աղետը:

Ցուցահանդես այցելել ու դիտել են դեսպաններ, միջազգային կազմակերպությունների ներկայացուցիչներ և այլ պատվավոր հյուրեր: Ցուցադրության խորհրդավորությունն ամբողջացնում են Ցոլեր Կարագուլյանի և «ՀԱԼԷՊ» ՀԲՀԿ-ի նորաստեղծ երաժշտական խմբի կողմից մատուցվելիք երաժշտական կատարումները:

(Visited 1 time, 1 visit today)



Leave a Reply

Your email address will not be published. Required fields are marked *