Ինչպիսի՞ն է իրավիճակը Հալեպում. ահաբեկչական խմբավորումները դարձյալ հռթիռակոծում են քաղաքը.

Նախապէս հաղորդած էինք, որ վերջին քանի մը օրերու ընթացքին բազմացաւ զինեալ ահաբեկչական խմբաւորումներու կողմէ հրթիռակոծումները ընդհանրապէս Հալէպ քաղաքի զանազան շրջաններ, որոնց կարգին է նաեւ քրիստոնեաբնակ եւ հայաբնակ շրջանները: Մէկ կողմէ, սուրիական կառավարական զօրքը, ռուսական օդուժի աջակցութեամբ, յաջողութիւններ կ՛արձանագրէ Հալէպի շրջակայքը:

Միւս կողմէ, Հալէպի երբեմնի հայաշատ թաղամասերուն մէջ մերթընդմերթ ռումբեր կը պայթին, իսկ ահաբեկիչները այնքան մօտ են, որ անոնց ինքնաշէն «հրթիռները»` հիմնականօրէն կազի տակարներէ պատրաստուած, շատ դիւրին կը հասնին բնակելի թաղամասեր ու զգալի մարդկային ու նիւթական վնասներ կը հասցնեն: Վերջին նման դէպք երէկ գիշեր տեղի ունեցաւ` Հալէպի Նոր Գիւղ շրջանի ՍՕԽ-ի Հալէպի Ընկերաբժշկական կեդրոնը, Սուրբ Գրիգոր Լուսաւորիչ եկեղեցւոյ, Հայ Ծերանոցի ու ճեմարանի մօտ: Հրթիռներ արձակուեցան նաեւ Սիւլէյմանիէ, Գաթթրիի շրջան, Թելեֆոն Հաուաի, ալ-Ճապրիյէ, Մէյսելուն, Ազիզիէ եւ այլ տեղեր: Արդարեւ, Հալէպի մէջ պայթիւնները, աւերածութիւնները, ռումբերն ու հրթիռները տակաւին կը շարունակուին:

Տակաւին չենք խօսիր խափանուած ջրամատակարարումին ու ելեկտրականութեան մատարակարումին մասին: Բնականաբար զգալի վնասներ կրեց անգամ մը եւս հայ համայնքին պատկանող ունեցուածքը` եկեղեցիներ, դպրոցներ, մշակութային վայրեր, բնակարաններ, աշխատավայրեր, խանութներ: Պէտք է ըսել, որ ՍՕԽի Հալէպի Ընկերաբժշկական կեդրոնը բացի մուտքի բարձրացած պատէն ընհանրապէս ամբողջութեամբ քանդուած է:

Perio.news

(Visited 1 time, 1 visit today)



Leave a Reply

Your email address will not be published. Required fields are marked *