f5476346d9ce20_5476346d9ce5c.thumb

Հալէպը Փրկեցէ՛քէն վազ անցանք, քոնէ փրկենք Հալէպահայը

Վերջին մի քանի օրուայ մէջ բարձրացած կարգ մը ձայներ, կը «պահանջէն», Հալէպահայ մանուկներ եւ պատանիներ Հայաստան տեղափոխել, եւ այդ նիւթին իպատասխան, կառավարական լրատուական ծառայութիւնները յայտարարեցին որ «Կառավարությունը պատրաստ է պատշաճ ձևով ընդունելու և անհրաժեշտ պայմաններ ստեղծելու Հալեպից Հայաստան տեղափոխվող երեխաների և դպրոցականների համար»:

Է՞, այս մէկը լուծու՞մ կը կարծեք, թէ մարդոց «աչքերուն փոշի կը փչէք», որպէսզի պղտորուած աչքերը լրիւ կուրանան:
Պահ մը մտածեցի՞ք թէ այդ երեխաներուն ծնողքներն ալ մարդկային էակներ են եւ անոնք ալ իրաւունքը ունին ապահով եւ խաղաղ կեանքի մը. Ակնթարթ մը խորհեցա՞ք թէ ձեր առաջարկած ծրագիրը «ի՞նչքան կամ մինչեւ երբ պիտի տեւէ», այսինքն եթէ դուք կարճատեւ լուծումի մասին կը մտածեք, ըսել է որ դարձեալ նոյն ՍԽԱԼԸ ընելու կը պատրաստուիք, դիտմամբ կրկնելով «մօրֆիններու» եւ «ցաւազրկիչներու» (գիտնալով որ այս բառը շինծու է, եւ ճիշդ իմաստը չ’բացատրեր) պատմութիւնը, եւ յետոյ ալ երբ հիւանդը մեռնի, Աստուած հոգին լուսաւորէ, ըսելով կը բաւարարուինք:

Յարգելի ղեկավար (կուսակցապետ, համայնքապետ կամ այլ պետ), մէկ կողմ թողելով երազային Հալէպը, ալ ընդունեցէ՛ք ԻՐԱՊԱՇՏՈՒԹԻՒՆԸ, հաւատացէ՛ք ձեր հօտին անվտանգութեան մասին, սթափեցէ՛ք ձեր «վարդագոյն» երազներէն, լրջօրէն մտածեցէ՛ք ՍԱՂ գաղութի մը ՓՐԿՈՒԹԵԱՆ մասին:

Հրայր Ակիլիեան

(Visited 1 time, 1 visit today)



Leave a Reply

Your email address will not be published. Required fields are marked *