ԿԱՐԵՎՈՐ
Search
hrant_dink

Հայոց Ցեղասպանութիւնը կը շարունակուի …Այսօր Հրանդ Տինքի սպաննութեան 8րդ տարելիցն է

19 Յունուար … Այսօր Հրանդ Տինքի սպաննութեան 8րդ տարելիցն է … Հրանդին գլխաւոր իրաւապաշտպաններէն Ֆէթհիյէ Չէթինի խօսքերով՝ « Առանց հանդիսատեսի զուլում չըլլար … Սոսկական ոճիրի հանդէպ կրաւորական կեցուածք ունենալ, անտարբեր հանդիսատես ըլլալ՝ միանշանակ լուռ մեղսակցութիւն կ’ենթադրէ , այլ խօսքով ՝ կը նշանակէ տուեալ ոճիրին մասնակից դառնալ … Եւ ահա այսպէս, մասնակից-մեղսակիցներու եւ անտարբեր հանդիսատեսներու լուռ հաւանութեամբ տեղի ունեցաւ 20րդ դարու առաջին եւ խոշորագոյն ցեղասպանութիւնը… Յետագային նոյն այդ հաւաքականութեան լուռ հաւանութեամբ ամրագրուեցաւ Հայոց ցեղասպանութեան ժխտումի , ուրացումի եւ խեղաթիւրման քաղաքականութիւնը …

Նոյն այդ մասնակից-մեղսակից եւ անտարբեր հանդիսատեսներու լուռ հաւանութեամբ սպաննուեցաւ մարդասիրութեան ,արդարութեան եւ ժողովրդավարութեան պատնէշին վրայ անտեղիտալի պայքար մղող Հրանդ Տինք … Եւ ո’չ միայն այդքան… Թուրքիոյ մէջ հայոց ցեղասպանութեան եւ Հրանդ Տինքի սպաննութեան միջեւ երկարող ժամանակահատուածին մէջ, ցեղասպանութեան համազօր դեռ որքա՜ն ոճիրներ գործուած են … դեռ որքա՜ն ոճիրներ կը գործուին այսօր… դեռ որքա՜ն ոճիրներ պիտի գործուին ե’ւ վաղը եթէ չդատապարտուի հայոց ցեղասպանութեան մեղքն ու ամօթը կրող Թուրքիոյ պետութիւնը, եթէ գործուած եւ գործուող համանման բոլոր ոճիրներու բոլոր հանդիսատեսները չզգաստանան եւ հայերու ծով արեան ու բռնազաֆթուած անգնահատելի հարստութեան վրայ իրենց սին փառքը կառուցած Թուրքիոյ պետութենէն հաշիւ չպահանջեն … » Հայոց Ցեղասպանութիւնը կը շարունակուի …

Սելփի Քասպարիան

(Visited 1 time, 1 visit today)



Leave a Reply

Your email address will not be published. Required fields are marked *