UaTEfFkPvuHZEr7vx9MzNsfKEq

Որո՞նք են եղել հանցախմբի նպատակներն ու թիրախները. նոր բացահայտումներ

ԱԱԾ քննչական վարչության պետի տեղակալ Միքայել Համբարձումյանն այսօր մամուլի ասուլիսին անդրադառնալով Նորք–Մարաշում զինված խմբի հայտնաբերմանն ու վնասազերծմանը, ասաց, որ ԱԱԾ-ն ծանրաբեռնված է նախաքննական տվյալների գաղտնիությունը պահելու պարտավորությամբ, ուստի գործի վերաբերյալ բոլոր մանրամասները չի կարող հայտնել:

«Ինչպե՞ս է հանցախումբը հայտնվել հատուկ ծառայությունների տեսադաշտում, մանրամասներ չեն ներկայացվում: Խմբավորման անդամներն արել են հնարավորը, որ աչքի չընկնեն, անգամ գաղտնի հեռախոսահամարներով են միմյանց հետ կապ պահել, բայց հայտնվել են իրավապահների տեսադաշտում ու միանգամից վերցվել հսկողության տակ: Վնասազերծման պահին «Ալֆա»-ի տղաները գիտակցում էին` այդ տունը զինանոցի է վերածվել: Եվ գրոհեցին՝ ռիսկի դիմելով: Ինչ պլաններ էին գծում վարձակալած տանը, որտեղ և ում դեմ էին գործադրելու այդքան զենք-զինամթերքը: Այստեղ ուշագրավ տեղեկություններ են ջրի երես դուրս գալիս: Հանցախումբը հստակ նպատակներ ու թիրախներ է ունեցել: Գործին չվնասելու համար փակագծերը չեն բացվում»:

Հատուկ ծառայությունները հիմա մանրամասն քննություն են տանում, որ պարզեն, թե որտեղից է ձեռք բերվել ապօրինի զենքը: Նաև պարզվել է, որ հանցախումբը եղած զինանոցը քիչ է համարել, որոշել էր էլի ձեռք բերել:

«Հստակ ծրագրված նպատակներ է ունեցել հանցավոր խումբը, մշակված եղանակներ է ունեցել, ընտրած է եղել հանցագործության թիրախները։ Խմբի հանցագոծություններն ուղղված են եղել քաղաքացիների, քաղաքական հասարակական գործիչների, պետության առանձին ճյուղերի նկատմամբ եւ նախատեսված են եղել սպանություններ:Ինձ համար զարմանալի է ու զավեշտալի է այն հայտարարությունները, թե իբրև տեղի է ունեցել բեմականացում, կամ ուզում են սա կապել ինչ-ինչ քաղաքական պրոցեսների հետ: Հավատացնում եմ, այն, ինչ տեսաք էկրաններով, և լսեցիք հաղորդագրություններով, դրանք ամբողջությամբ իրական են և համապատասխանում են եղելությանը»,-ասաց Մ.Համբարձումյանը:

 

 

(Visited 1 time, 1 visit today)



Leave a Reply

Your email address will not be published. Required fields are marked *