Որքան տեղեկութիւն բաւարար կը նկատուի եւ որքանը վնասակար

Արամ Վեհափառ Հալէպի մասին կ’ըսէ՝ «Քաղաքական իմաստով՝ մնայուն կապի մէջ ենք Սուրիոյ տագնապին լուծման առնչուած շրջանային թէ միջազգային ուժերուն հետ: Այս մասին չենք կրնար աւելին ըսել»

Քանի մը տող անդին կ’ըսէ՝ «Ներկայ տագնապալից կացութեան մէջ Մենք իրապաշտ մօտեցումով պիտի շարունակենք փորձել մեր կարելին ընել: Բնականաբար ճիշդ չէ այս մասին հրապարակային արտայայտութիւն ունենալ»: Ապա կ’ըսէ՝ «Հայաստանի մէջ կամ Սփիւռքի զանազան գաղութներէ ներս, Սուրիոյ հայութեան գծով երբեմն անհիմն տեղեկութիւններ կը հրապարակեն, անիմաստ առաջարկներ կը ներկայացնեն, որոնք պղտոր մթնոլորտ կը ստեղծեն ու փաստօրէն միայն վնաս կրնան պատճառել Սուրիոյ մեր համայնքին:

Ճիշդ չէ՛ առանց տեղեակ ըլլալու Հալէպի ներքին կացութեան եւ անոր առնչուած քաղաքական ու ապահովական զգայնութիւններուն, հանգստաւէտ պայմաններու մէջ ապրող անհատներ անտրամաբանական տետակէտներ պարզեն ու առաջարկներ ներկայացնեն համացանցերու ճամբով»:

Ոչ մէկ տեղեկութիւն տալու եւ անհիմն տեղեկութիւններ տարածելու միջեւ ընդարձակ դաշտ մը կայ, ուր պէտք է միասնաբար մտնենք որպէսզի կարենանք որոշել թէ ի՞նչ են ԱՅՍ ՀԱՆԳՐՈՒԱՆԻՆ մեր առաջնահերթութիւնները:

Հրաչ Քալսահակեան

(Visited 1 time, 1 visit today)



Leave a Reply

Your email address will not be published. Required fields are marked *